Astanalyqtardy 150 mln teńgege san soqtyrǵan alaıaq ustaldy
Alaıaqtyń toryna túsken 29 adam Baıqońyr aýdanynyń polıtsııa basqarmasyna júgindi. 34 jastaǵy astanalyq qala turǵyndaryna avtokólik, ıpoteka, qolma-qol nesıe jáne ınvestıtsııa boıynsha kóptegen «qyzmet túrlerin» usynǵan. Aldanǵandar oǵan 1-22 mln teńgege deıin aqsha bergen.
Polıtsııaǵa habarlasqandardyń biri kúıeýiniń dosyna senip, oǵan 1 mln 237 myń teńge bergenin aıtady. Ol kólikti nesıege alýǵa kómektesýge ýáde bergen. Avtonesıe alýǵa qarajaty jetpegen áıelge, mıkroqarjy uıymynan taýarlyq jáne aqshalaı kredıt alýdy usynǵan. Sóıtip, áıel bes mıkroqarjy uıymynan qaryq aqsha jáne taýarlyq nesıe alǵan. Biraz ýaqyttan keıin jábirlenýshi óziniń aldanǵanyn túsinip, dabyl qaqqan.
QR QK-niń 190-babymen (Alaıaqtyq) sotqa deıingi tergeý amaldary júrgizilip jatyr. Polıtsııa departamenti azamattarǵa qyraǵy bolýdy, kúmándi operatsııalardan bas tartýdy eskertedi.