Astanalyqtar páter satý men satyp alýdy jıiletti

ASTANA. QazAqparat – Shilde aıynda elordada turǵyn úıdi satyp alý-satý mámileleri sany 6,7 myńǵa jetken. Maýsymmen salystyrǵanda bul shamamen 1,5 ese nemese 2,2 myńǵa artyq. Qazir bul kórsetkish 2022 jyldyń naýryzynan bergi eń joǵary deńgeıde tur, dep habarlaıdy QazAqparat Birinshi kredıttik bıýroǵa silteme jasap.

Bul rette Astana mámileler sany boıynsha dástúrli kóshbasshy – Almatydan ozdy. Elordada satylǵan úıler Almatyǵa qaraǵanda 1,5 myńǵa kóbirek. Mundaı alshaqtyq óte sırek kezdesedi, sońǵy ret 2022 jyldyń qyrkúıeginde baıqalǵan.

Nelikten elordada páter satyp alý jıiledi?

Astanada jasalǵan barlyq mámilelerdiń 45,4% bir bólmeli páterler qurady (respýblıkalyq kórsetkishte – 28,6%). Olar jalpy ósimniń negizgi bóligin – 56,2% qurady. Maýsym aıynda 1,8 myń bir bólmeli páter satylsa, shildede – 3 myńy satylǵan.

Elordada bir bólmeli páter satýdyń ósýi jalpy jaǵdaıdyń ózgerýine de áser etti. Aqpan aıynan bastap alǵash ret bir bólmeli páterler satylymy búkil el boıynsha eki bólmeli páter satylymynan asyp tústi.