Astanalyqtar qala ákiminiń grantymen JOO-da tegin oqı alady
Eske salaıyq, 2018 jyldan bastap elorda ákimdigi qala úshin asa qajet mamandyqtar boıynsha JOO-larǵa memlekettik tapsyrysty ornalastyra bastady. Osyǵan oraı, qala ákiminiń tóraǵalyǵymen táýelsiz komıssııa qurylyp, oǵan qalalyq basqarmalardyń, qoǵamdyq uıymdardyń basshylary men kásipkerler palatasynyń ókilderi kirdi.
«Nur-Sultan qalasynyń ákimi 2020-2024 jyldarǵa joǵary jáne joǵary oqý ornynan keıingi bilim alýǵa 793 grant bóldi. Konkýrstyq komıssııanyń qorytyndysy boıynsha, mamandardy daıarlaýǵa memlekettik bilim berý tapsyrysy ornalastyrylatyn joǵary oqý oryndarynyń tizimi anyqtaldy», - delingen elorda ákimdiginiń resmı saıtynda .
JOO-lar tizimi, mamandyqtar jáne bólingen granttar sanyna qatysty aqparatpen ákimdik saıtynda tanysýǵa bolady.
Qujattar joǵary bilim alý úshin 10-20 tamyz aralyǵynda, joǵary oqý ornynan keıingi bilim alý úshin 24 tamyz - 2 qyrkúıek aralyǵynda qabyldanady.