Astanalyqtar Djýzeppe Verdıdiń «Travıata» operasyn tamashalady
Mádenıet jáne sport mınıstrliginiń málimetinshe, shyǵarmashylyq ujym elordalyq kórermenge Djýzeppe Verdıdiń «Travıata» operasyn usynǵan.
«Mundaı is-sharalar kórermender úshin ǵana qyzyqty emes. Artısterdiń ózderi de jańa aýdıtorııa aldynda óner kórsetip, biregeı tájirıbe alatynyna senimdimin. Mádenıet - ortaq ıgiligimiz, sondyqtan múmkindiginshe barlyq adam Qazaqstannyń túkpir-túkpirinen kelgen shyǵarmashylyq ujymdarmen tanysýǵa múmkindik alýy tıis. Mınıstrlik osyndaı gastroldik týrlardy uıymdastyrýdy jalǵastyrady. Gastroldik saparlar Astana men Almatyda ǵana emes, óńirlerde de jalǵasyn tabady», — dep atap ótti QR Mádenıet jáne sport mınıstri Ashat Oralov.
28 mamyrda almatydyq teatr bir aktili eki baletti sahnalaıdy. Bul Jorj Bıze men Rodıon Şedrınniń «Karmen-Sıýıtasy», sondaı-aq Nıkolaı Rımskıı-Korsakovtyń mýzykasyna jazylǵan «Sheherazada» baleti.
Osy ýaqytta «Astana Opera» memlekettik opera jáne balet teatrynyń ujymy Almatyda birqatar qoıylymdardy aıaqtady. Elordalyq teatr kórermenderdiń nazaryna Aram Hachatýrıannyń «Spartak» baleti men Volfgang Amadeı Motsarttyń mýzykasyna jazylǵan «Kishkentaı ólim» jáne «Alty bı» bir aktili týyndylaryn usyndy.