Astanalyqtar 5 mlrd teńgeniń tegin dári-dármegimen qamtyldy
«2023 jyldyń 30 sáýirindegi jaǵdaı boıynsha Astana qalasynda 127 791 patsıent 319 007 tegin retsept boıynsha 4 mlrd 950 mln teńge somasyna tegin dári-dármekpen jáne medıtsınalyq buıymdarmen qamtamasyz etildi», - delingen habarlamada.
Onyń ishinde, tegin medıtsınalyq kepildendirilgen kómek kóleminde (TMKKK) 4,5 mlrd teńge somasyna 290 488 tegin retsept boıynsha 115 973 patsıent, MÁMS esebinen 319,1 mln teńge somasyna 20 531 tegin retsept boıynsha 13 288 eresek patsıentter men 129,3 mln teńgege 5 397 bala 7 988 tegin retsept boıynsha dári-dármek aldy.
«MÁMS júıesinde dári-dármekpen qamtylǵan balalar: Jiti respıratorlyq ınfektsııamen – joǵarǵy tynys joldarynyń aýrýlary boıynsha – 738 bala jáne tómengi tynys joldarynyń aýrýlary boıynsha – 1834 bala, temirjetispeýshiligi anemııasymen - 270 bala, Rahıt aýrýymen 68 bala, pnevmonııamen 322 bala, Sınýsıtpen (badamsha bezi - mındalın) jáne adenoıd aýrýlarymen 108 bala, t.b.
Bizdiń sarapshylar medıtsınalyq qyzmettiń qoljetimdi bolýy jáne onyń sapasynyń jaqsarýy úshin, ıaǵnı patsıent quqyǵy saqtalýy úshin turaqty jumys júrgizedi», - dep atap ótti «Áleýmettik medıtsınalyq saqtandyrý qory» KeAQ elorda fılıaly dırektorynyń orynbasary S. Bolysbekova.
Ambýlatorııalyq dári-dármekpen qamtamasyz etý Densaýlyq saqtaý mınıstriniń 2021 jylǵy 5 tamyzdaǵy № QR DSM-75 «Tegin medıtsınalyq kómektiń kepildik berilgen kólemi sheńberinde jáne mindetti áleýmettik medıtsınalyq saqtandyrý júıesinde dárilik zattarmen jáne medıtsınalyq buıymdarmen qamtamasyz etilýge, onyń ishinde belgili bir aýrýlary (jaı-kúıi) bar azamattardyń jekelegen sanattaryn, ambýlatorııalyq deńgeıde tegin jáne (nemese) jeńildikpen beriletin dárilik zattardyń, medıtsınalyq buıymdardyń jáne mamandandyrylǵan emdik ónimderdiń tizbesin bekitý týraly» buıryǵyna sáıkes júzege asyrylady.
Ambýlatorııalyq qamtamasyz etý buıryǵyna sáıkes, emhana dárihanalarynda barlyq (antıbıotıkter, ystyq túsiretin preparattar, temirquramdy preparattar, sondaı-aq basqa da spetsefıkalyq preparattar jáne t.b.) qajetti dáriler bar.