Astanalyq jastar haby qurylady

ASTANA. QazAqparat - Elordalyq jastar haby qurylady. Bul týraly búgin elorda ákimi Baqyt Sultanovtyń qatysýymen ótken Jastar isi jónindegi keńeste Astana qalalyq qoǵamdyq damý isteri basqarmasynyń basshysy Danııar Esın aıtty, dep habarlaıdy QazAqparat tilshisi.

«Biz Jastar saraıynda «Jastar Synergy» jastar habyn qurý tujyrymdamasyn ázirleýge kiristik. Bul tarıhı sheshim dep te aıtýǵa bolady. Sebebi muny elordalyq jastar baıaǵydan-aq armandap kelgen edi. Bıyl sizdiń qoldaýymyz ben bul arman shynaıy júzege asyrylady», - dedi ol qala ákimine qarata aıtqan sózinde.

Danııar Esınniń aıtýynsha, «Jastar Synergy» jastar haby kreatıvti jastar, startaptar, frılanserler dáne tsıfrlyq aýdıtorııa úshin kópbeıindi keńistikke aınalady.

«Biz «Jastar Synergy» jastar habyn jumys isteýge, sportpen aınalysýǵa demalýǵa qalalyq qoǵamdastyqpen tanysýǵa, beıimdelýge, bilim alýǵa arnalǵan mádenı keńistikke aınaldyrýdy josparlap otyrmyz. Onda «Astana jastary» QMÝ, «Rýhanı jańǵyrý» qalalyq jobalyq keńsesi, Azamattyq bastamalar ortalyǵy, «Jas sarbaz» qalalyq áskerı-patrıottyq qoǵamdastyǵy, elordalyq baspasóz ortalyq jáne qalanyń ózge de qoǵamdastyqtary ornalasatyn bolady», - dedi basqarma basshysy.