Astanalyq ustaz qazaq folkloryn aǵylshyn tilinde sóıletti

ASTANA. QazAqparat - Astana qalasyndaǵy №38 mektep-lıtseıdiń muǵalimi qazaq ertegileriniń keıipkerlerin aǵylshyn tilinde sóıletti. Shet tilin oqytýdaǵy jańa ádis oqýshylardyń yntasyn arttyryp, oqý úlgerimine oń áserin tıgizdi, dep habarlaıdy QazAqparat.

«39 jyl ustazdyq etken tájirıbemde sabaq barysynda aqparattyq tehnologııalardy qoldaný, tildi án jáne fılmder arqyly úıretý ádisterin paıdalandyq. Alaıda tanymal shyǵarmalar men qazaq ertegilerin aýdaryp oqytý balalardyń qyzyǵýshylyǵyn arttyryp, oń nátıje berdi», - deıdi aǵylshyn tili pániniń muǵalimi Zámzágúl Túıtına.

Ustaz Berdibek Soqpaqbaevtyń «Meniń atym Qoja» povesi men «Aldar Kóse men Shyqbermes Shyǵaıbaı» ertegisinen úzindilerdi aǵylshyn tiline aýdarǵan.

Búginde Zámzágúl Túıtınanyń shákirtteri «Oqýǵa qushtar mektep – oqýǵa qushtar ult» respýblıkalyq jobasy aıasynda batys ádebıetin aǵylshyn tilinde oqyp jatyr.

Aıta keteıik, Zámzágúl Túıtına - «Reading for pleasure» aǵylshyn tilindegi nusqaýlyqtyń avtory. Oǵan balalar ádebıetiniń klassıkteri men eń tanymal zamanaýı avtorlardyń úzindileri engizilgen.