Astanalyq stýdentter telekommýnıkatsııa, baılanys jáne ІT salasy boıynsha ataýly shákirtaqyǵa ıe boldy
Ataýly shákirtaqyǵa QR Ulttyq ǵylym akademııasynyń akademıgi, tehnıka ǵylymdarynyń doktory Dosym Súleev, memleket jáne qoǵam qaıratkeri Sábıt Baıjanov, tehnıka ǵylymdarynyń doktory, professor, QR Ulttyq ǵylym akademııasynyń akademıgi Meıirbek Moldabekuly jáne memleket jáne qoǵam qaıratkeri Ábdirazaq Elibaev esimi berildi.
«El táýelsizdiginiń 30 jyldyǵy jáne Eýrazııa ulttyq ýnıversıtetiniń 25 jyldyǵyna oraı biz stýdentter arasynda aýqymdy baıqaý ótkizdik. Telekommýnıkatsııa, baılanys jáne aqparattyq tehnologııalar salasyna aıtýly eńbek sińirgen memlekettik qaıratkerler, aǵartýshy ǵalymdardyń qurmetine arnaldy. Jeńizpaz stýdentterge stıpendııa taǵaıyndaý sheshimi qabyldandy. Baıqaýda barlyǵy 120 stýdent baq synady. Stýdentterdiń jumysyna 150 myńǵa jýyq adam daýys berdi»,- dedi L. Gýmılev atyndaǵy EUÝ aqparattyq tehnologııalar fakýltetiniń dekany Shahmardan Seıilov stıpendııa ıegerlerin quttyqtaı otyryp.
Onyń aıtýynsha, atalǵan shákirtaqy aldaǵy ýaqytta jyl saıyn taǵaıyndalady.
«Bizdiń fakýltette «ІT talanttar» atty qor bar. Sol qordyń esebinen telekommýnıkatsııa, baılanys jáne aqparattyq tehnologııalar salasy boıynsha úzdik stýdentterdi tańdap aldyq. Olarǵa qoıylǵan talap joǵary. ІT salasynan bólek, aǵylshyn tilin jetik bilýi tıis. Sondaı-aq, stýdentter esse jazdy. Búgin sonyń ishinen júzden júırik shyqqan 4 stýdentke ataýly shákirtaqy bólip, marapattap otyrmyz», - deıdi ol.
Sondaı-aq, ataýly shákirtaqyny jeńip alǵan L. Gýmılev atyndaǵy EUÝ aqparattyq tehnologııalar fakýltetiniń stýdentteri Jansaıa Myrzaǵul, Ádilet Smaılov, Dildár Abylbek jáne Jasulan Muratbekke shákirtaqy sertıfıkaty tabys etildi.