Astanalyq sportshylar álem chempıonatyn sátti bastady

ASTANA. QazAqparat - Birikken Arab Ámirlikteriniń, Abý Dabı qalasynda djıý-djıtsýdan Álem chempıonaty JJIF WORLD CHAMPIONSHIP bastaldy, dep habarlaıdy QazAqparat.

Elordalyq sport jáne dene shynyqtyrý basqarmasynyń málimetinshe, bul jarys óziniń aýqymdylyǵymen erekshelendi. Chempıonatqa álemniń 65 memleketinen kelgen 1500 sportshy qatysyp, baq synaýda.

«Sport básekesi eloradalyq qurama úshin sátti bastaldy. Komanda qorjynynda 2 altyn, 2 qola medal bar ázirge. Alǵashqy eki altyndy Batyrbek Abdýlla (55 kg, U16) men Leıla Rahımjanova (57 kg, U16) ıelense, qos qolany Samat Emırhan (46 kg, U16) men Aızere Qanat (57 kg, U16) enshiledi», - dep jazdy vedomstvodan.

Aıta keteıik, buǵan deıin 2-4 qarasha kúnderi Astana qalasynda taekvon-do GTF boıynsha jasóspirimder men jastar arasynda Qazaqstan Respýblıkasynyń kýbogy ótetinin habarlaǵanbyz.