Astanalyq sot jıenin sabaǵan boıjetkenge qatysty isti toqtatty

ASTANA. QazAqparat – Elordada balabaqshaǵa barǵysy kelmegen jıenin sabaǵan boıjetken isi boıynsha sot qaýlysy shyqty. Qos taraptyń ymyraǵa kelýi sebepti is toqtatyldy, dep habarlaıdy QazAqparat.

«2023 jylǵy 17 tamyzda Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty uryp-soǵý faktisi boıynsha A. qatysty isti qarady.

Sot A. kámeletke tolmaǵan J.-nyń ápkesi ekenin, jıeniniń balabaqshaǵa barǵysy kelmegeni úshin kúsh qoldanǵanyn, biraq densaýlyǵyna asa zııan keltirmegenin anyqtady. Onyń kinási moıyndaý aıǵaqtarymen, zańdy ókildiń túsindirmelerimen, ákimshilik quqyq buzýshylyq týraly hattamamen, beınejazbamen jáne istiń basqa materıaldarymen dáleldengen. A.-nyń balanyń ata-anasymen tatýlasýyna baılanysty jáne ata-ana ótinishimen is toqtatyldy», - dep jazylǵan qalalyq sottyń resmı saıtynda.

Sot sheshimi áli zańdy kúshine engen joq.

Aıta keteıik, Astanada balabaqshaǵa barǵysy kelmegen kishkentaı qyzdy urǵan týysyna ákimshilik is qozǵalǵan edi.

Belgili bolǵanyndaı, 14 tamyz kúni tańǵy ýaqytta 5 jasar qyz balabaqshaǵa barǵysy kelmegen. 17 jastaǵy týysy onyń bul áreketine narazylyq bildirgen.

Bul oqıǵaǵa QR Bala quqyqtary jónindegi ýákil Dınara Zákıeva da pikir óziniń Facebook paraqshasynda post jarııalady.