Astanalyq polıtseıler eki keliden astam mefedron tárkiledi
Jedel-izdestirý is-sharalary barysynda polıtsııa qyzmetkerleri elordaǵa esirtki jetkizý, satýmen aınalysqan qylmystyq top áreketiniń jolyn kesken.
Máselen, Toqpanov kóshesiniń aýmaǵynda buryn sottalǵan 26 jáne 23 jastaǵy birge turatyn qala turǵyndary anyqtalǵan. Kúdiktilerdiń turǵylyqty jerin tintý kezinde satýǵa daıyndalǵan marıhýana jáne mefedron esirtki zaty salynǵan úsh polıetılen paket, sondaı-aq elektrondy tarazylar, zıp paketter jáne 1,2 mıllıon teńgeden astam aqsha tabylǵan.
Jedel-izdestirý is-sharalary barysynda esirtki satýshylardyń taýarlardy jasyryp qoıý arqyly ınternettiń kómegimen satqany anyqtaldy.
Tergeý jedel is-sharalaryn júrgizý kezinde ustalǵan azamattar polıtsııa qyzmetkerlerine esirtki zattary jasyrynǵan qupııa oryndardy kórsetken. Buǵan qosa Eren-Qabyrǵa kóshesinen esirtki zaty bar 100 polıetılen túıinshek tárkilense, Táýelsizdik dańǵylynda esirtki zaty bar taǵy da 100 polıetılen túıinshek tabylǵan. Arnaıy operatsııa nátıjesinde eki keliden astam mefedron sıntetıkalyq esirtki zaty jáne 200 gramm marıhýana tárkilengen. Atalǵan fakti boıynsha QR QK-niń 297-baby 3-bóligi (Qylmystyq toppen, asa iri kólemde esirtki zattaryn ótkizý) boıynsha qylmystyq is qozǵaldy. Ustalǵan tulǵalar ýaqytsha ustaý ızolıatoryna qamaldy, tergeý amaldary júrgizilip jatyr.