Astanalyq oqýshylarǵa avtobýsta tegin júrý kartalaryn berý ýaqytsha toqtaıdy
«Kólik kartalaryn jetkizetin uıymda týyndaǵan logıstıkalyq qıyndyqtarǵa baılanysty 27 sáýirden ataýly (jeńildikti jáne mektep) kólik kartalaryn shyǵarý jáne qaıtalap berý ýaqytsha toqtatylady. Ortalyq kassada (R. Qoshqarbaev dańǵyly, 50/1 mekenjaıy boıynsha) azamattardyń jeńildigi bar jáne mektep oqýshylary úshin kólik kartalaryn bastapqy shyǵarýǵa jáne qaıtalap alýǵa qujattar ǵana qabyldanady. Jol aqysyn tóleýdiń elektrondyq júıesinde paıdalanýǵa arnalǵan kólik kartalary jetkizilgennen keıin kartalar shyǵarylyp, ótinish berýshilerdiń mekenjaılaryna tegin jetkiziledi», - delingen kompanııanyń Іnstagram paraqshasynda jarııalanǵan habarlamada.
Málim bolǵandaı, jeńildikti nemese mektep kóligi kartasyn alǵanǵa deıin paıdalanýshylarǵa talon beriledi. Ony avtobýstarda paıdalanýǵa jáne kóliktik baqylaý qyzmetkerleri teksergen kezde kórsetýge bolady. Kompanııadan habarlaǵandaı, kartalardyń qashan jetkiziletini ázirge belgisiz.