Astanalyq oqýshylar jyljymaly jol zerthanasynyń jumysymen tanysty
Jol aktıvteriniń ulttyq sapa ortalyǵynda Astana qalalyq Respýblıkalyq fızıka-matematıka mektebiniń joǵary synyp oqýshylary úshin Ashyq esik kúni ótti. Ortalyq qyzmetkerleri balalarǵa kásiporyn boıynsha tanymdyq ekskýrsııa uıymdastyrdy.
Oqýshylar jol materıaldarynyń sapasyn anyqtaıtyn synaq zerthanasyna bardy. Jyljymaly jol zerthanasy balalarǵa erekshe áser qaldyrdy. Jyljymaly zerthana yńǵaıly, óıtkeni ol sapany baqylaýda dáldik pen jedeldikti qamtamasyz etedi, qalalyq jáne dalalyq jaǵdaılarda tez taldaý jasaýǵa múmkindik beredi.
«Ashyq esik kúni Sapa ortalyǵy men bilim oshaǵy arasyndaǵy memorandým aıasynda ótti. Ol balalarǵa joldyń jaı-kúıi qalaı anyqtalatynyn kórneki túrde kórsetýdi jáne bolashaq mamandardyń kásibı baǵdarlanýyna yqpal etýdi maqsat etedi. Múmkin olardyń bireýi avtojol mamandyǵyn tańdaıtyn bolar», - dep jazdy vedomstvodan..
Uıymdastyrýshylardyń aıtýynsha, Ashyq esik kúnin ótkizý Jol aktıvteriniń ulttyq sapa ortalyǵy úshin dástúrge aınalýda.