Astanalyq oqýshylar qandaı úıirmelerge baryp júr
Onyń aıtýynsha, balalarǵa qosymsha bilim berý baǵdarlamasy bilim mekemelerinde jáne mektepten tys uıymdarda da júzege asyrylady.
«Qazirgi ýaqytta qalada 2 oqýshylar saraıy, 3 balalar mýzyka mektebi, 2 óner mektebi, 1 balalar kórkemsýret mektebi, 1 tehnıkalyq shyǵarmashylyq ortalyǵy, «Órken» balalar-jasóspirimder dene tárbıesi ortalyǵy jumys isteıdi. Búgingi tańda 152 546 bala qosymsha bilim berýmen qamtylǵan, bul - jalpy bala sanynyń 76,8 paıyzy», - dedi M. Qaıyrbaeva Astana kommýnıkatsııalar qyzmetinde ótken brıfıngte.
Sonymen birge, halyqtyń áleýmettik osal toptarynan 24 myńnan astam bala jáne erekshe bilim berý qajettilikteri bar 565 bala úıirmeler men sektsııalarǵa jeńildikpen jáne tegin barady.
Mektepten tys uıymdarda jáne jalpy mektepterde sport sektsııalarymen qamtylǵan bilim alýshylar úlesi – 44,5%.
Osy maqsatta bilim berý uıymdarynda 910 sport sektsııasy jumys isteıdi, 92 mektepte ashyq aýada kópfýnktsıonaldy sport alańdary (júgirý joldary, fýtbol, basketbol jáne voleıbol alańdary), 8 mektepte – statsıonarlyq hokkeı korttary jáne 10 tennıs korty bar.
Elordanyń 40 mektebinde 3,8 myń bala ulttyq sport túrlerimen, 5,3 myń – bala ulttyq ónermen aınalysady.
Sondaı-aq, oqýshylar teatrlarǵa tegin barady. Jyl sońyna deıin 50 myńnan astam balany qamtý josparlanǵan.
Jalpy bilim beretin mektepterde ulttyq sport túrleri (toǵyzqumalaq, qazaq kúresi, asyq atý), ulttyq óner (ulttyq aspaptar, dombyra jáne dástúrli án, qazaq bıi, qazaq áni) boıynsha ALTYN URPAQ jobasy iske asyrylýda.
Bul joba elordanyń 40 mektebinde 10 000-nan astam balany qamtyǵan.
«Oqý jylynyń taǵy bir jańalyǵy – ár mektepte dombyra synyptaryn ashý, oqýshylar arasynan dombyra orkestrlerin qurý boldy. Qazir 64 dombyra úıirmesi jumys isteıdi, 1656 bala 44 úıirmede, aqyly negizde 702 oqýshy qatysady», - deıdi Marjan Qaıyrbaeva.
Qazaqstan shahmat federatsııasymen birlesip, qala mektepterinde 53 shahmat úıirmesi ashylǵan, oǵan 1,4 myń oqýshy baryp júr.
M. Ótemisov atyndaǵy oqýshylar saraıynda quramynda 127 uıym (94 mektep pen 33 kolledj) jáne 69 myń qatysýshysy bar «Mektep jáne stýdenttik parlament» jedel shtaby jumys isteıdi.
Erekshe bilim berý qajettilikteri bar balalardy áleýmettendirý maqsatynda oqýshylar saraıynda AIALA áleýmettik jobasy ashylǵan.
Onda 200-den astam bala robototehnıka, vokal, beıneleý óneri, karate, matematıka, júzý, erte mýzykalyq damý, dombyra, teatr úıirmelerine barady.
«Aldaǵy ýaqytta qosymsha bilim berý uıymdarynyń jelisin damytý jumysy jalǵasady. Osyǵan baılanysty bilim basqarmasynyń 2029 jylǵa deıingi jol kartasy bekitildi. 2029 jylǵa deıin 20 040 oryndyq qosymsha bilimge memlekettik tapsyrys berý josparlanǵan», - dedi spıker.