Astanalyq oqýshy taekvondodan álem chempıony atandy
09:05, 28 Shilde 2023
ASTANA. QazAqparat – Meksıkanyń Mazatlan qalasynda mektep oqýshylary arasynda taekvondodan alǵashqy álem chempıonaty ótti. Astanadan barǵan jas sportshy týrnırde chempıon atandy, dep habarlaıdy QazAqparat elorda ákimdigi saıtyna silteme jasap.
Týrnırge álemniń 14 elinen oqýshylar qatysty.
Qazaqstan qurama komandasyna «King Club Astana» jáne «Legion» otandyq taekvondo klýbtarynyń úzdik ókilderi engen.
Jarystyń birinshi kúni Astana qalasynyń «Nur-Orda» mektep-lıtseıiniń 6-synyp oqýshysy Aıatjan Ámirhanov (jattyqtyrýshylary – Aral Sadyqov, Dınara Qabdýlova) 12 jasqa deıingi topta (50 kelige deıingi salmaq dárejesi) álem chempıony ataǵyna ıe boldy.
Komandalyq esepte Qazaqstan quramasy Taıvan men Brazılııa quramalarynan keıingi úshinshi orynǵa jaıǵasty.