Astanalyq notarıýstar jyljymaıtyn múlikti elektrondy tirkeý júıesine kóshti

ASTANA. 15 aqpan. QazAqparat - Elordada qala notarıýstary úshin jyljymaıtyn múlikke quqyqtardy elektrondy túrde tirkeýge ótinish berýdi talqylaýǵa arnalǵan oqytý semınar-májilisi ótkizildi.

Semınardy Astana qalasynyń Ádilet departamenti men qalalyq Notarıattyq palatasy uıymdastyrdy, dep habarlaıdy astana.kz saıty atalǵan vedomstvoǵa silteme jasap.

Ádilet departamentiniń málimeti boıynsha, bul jańalyq 2013 jyldyń 1 qańtarynan bastap engizilgen. Elektrondy tirkeý arqyly jyljymaıtyn múlikti tirkeý ýaqytyn 1 kúnge deıin qysqartýǵa bolady.

Eske salaıyq, jyljymaıtyn múlikti elektrondy tirkeý - mámile notarıat kýálandyrǵannan keıin biryńǵaı notarıattyq aqparattyq júıeden quqyqtyq kadastrdyń aqparattyq júıesine avtomatty túrde túsetin quqyq belgileıtin qujattyń elektrondyq kóshirmesi negizinde júzege asyrylatyn memlekettik tirkeý.

Іs-shara sońynda, notarıattyq áreketke baılanysty qoldanysta júrgen zańnamalarǵa engizilgen tolyqtyrýlar men ózgertýler talqylanyp, notarıýstardyń barlyq suraqtaryna qanaǵattandyrlyq jaýap berildi.