Astanalyq muǵalim Tartyl Fest týrnıriniń grand-fınalyna qatysady

ASTANA. QazAqparat – Erlan Keýkenov geografııa jáne aǵylshyn tili pániniń muǵalimi. Ol Tartyl Fest respýblıkalyq týrnıriniń Astanadaǵy irikteý týrnırine qatysyp, 30 jastan asqandar arasynda 80-90 keli sanaty boıynsha jeńimpaz atandy. Erlan oqytýshy ǵana emes, sporttyń birneshe túrinen sheber ataǵy da bar. Ol QazAqparat tilshisimen aldaǵy grand-fınalǵa daıyndyq barysymen bólisti.

Astanalyq Erlan Keýkenov 32 jasta. Negizgi jumysynan bólek, L. Gýmılev atyndaǵy Eýrazııa ulttyq ýnıversıtetinde «Geografııa» mamandyǵy boıynsha doktorantýrada bilim alyp jatyr.

Tartyl Fest týrnırinde týrnıkke 26 ret tartyldy. Nátıjesinde óz salmaǵynda birinshi oryndy ıelendi. Aıtýynsha, bul kórsetkishti ulǵaıta túspek.

Jalpy sportpen 2007 jyldan berip belsendi aınylysyp keledi.

«Armlıftıngpen (qolmen kóterý) aınalysamyn. Halyqaralyq sport sheberimin jáne «Eskalıbýr» dárejede Qazaqstan chempıonymyn. Buryn paýerlıftıngpen shuǵyldandym, bul sport túrinen sheber kandıdatymyn. Odan bólek, strıtlıftıngten sport sheberi atandym. Sonymen qatar shtanga kóterý jáne bıtsepsten de sport sheberimin», - dedi Erlan Keýkenov.

«Jumystan soń grand-fınalǵa daıyndalyp, jattyǵý jasap júrmin. Jeńiske jetý úshin bara jatyrmyn», - deıdi ol.

Sondaı-aq týrnır fınalısi Tartyl Fest sekildi sporttyq is-sharalardyń paıdasy týraly aıtty.

«Atalǵan sharanyń jastardy sportqa tartýda, sol sııaqty jalpy sportty nasıhattaýda paıdasy zor. Osyndaı sporttyq sharalardyń jıi ótkenin qalaımyn», - dedi ol

Eske salaıyq, 18 aqpan kúni elordada Tartyl Fest respýblıkalyq týrnıriniń grand-fınaly ótedi.

Jarysty QR Prezıdenti janyndaǵy «DARA» talanttardy qoldaý qorynyń bastamasymen uıymdastyrdy.

Joba ıdeıasyn belgili qazaqstandyq prodıýser Nurlan Qoıanbaev usynǵan, al jobanyń brend-elshisi – «Street Workout» boıynsha rekordsmen Aıtym Jaqypov.

Grand-fınalǵa óńirlik irikteý jarystarynda úzdik nátıje kórsetken 170 sportshy qatysady. Qatysýshylardyń jasy – 14-51 aralyǵynda.

Foto keıipkerdiń jeke muraǵatynan