Astanalyq kitapsúıer qaýym úshin ashyq aspan astynda oqý zaly uıymdastyryldy (FOTO)
00:28, 19 Maýsym 2015
ASTANA. QazAqparat - Astanada «Kel, jastar, oqylyq!» respýblıkalyq naýqany aıasynda M.Ótemisov atyndaǵy Oqýshylar saraıy alańynda oqýshylar men stýdentterdiń qatysýymen «Jazǵy oqý zaly» aktsııasy ótkizildi, dep habarlaıdy astana.kz.
Іs-shara barysynda Astana qalasynyń kitaphanalary óz qorlaryndaǵy eń úzdik ádebı shyǵarmalardy, shetel ádebıetteri men klassıkasy, fılosofııa, psıhologııa, mádenıet, óner, ǵylym taqyrybyndaǵy jáne detektıv janryndaǵy kitaptaryn munda kelgen oqyrmandarǵa usyndy. Tabıǵat aıasynda ári ashyq ashyq aspan astynda ótken shara barysynda túrli vıktorınalar da uıymdastyryldy.
Sharany «Nur Otan» partııasy janyndaǵy «Jas Otan» jastar qanatynyń Astana qalalyq fılıaly uıymdastyrdy. Jazǵy sharanyń maqsaty - astanalyq jastardyń kitap oqýǵa degen qyzyǵýshylyqtaryn arttyrý, jas aqyn-jazýshylarymyzdyń shyǵarmashylyq talabyn shyńdaý boldy.