Astanalyq Іshki ister departamentiniń bastyǵy soǵys ardagerlerine mereıtoılyq medaldardy tabys etti

ASTANA. Mamyrdyń 5-i. QazAqparat /Gúlmıra Álıakparova/ - Búgin Astana qalalyq Іshki ister departamentiniń bastyǵy Marat Demeýov, QR Prezıdenttik Mádenıet ortalyǵynda ardagerlerdi Jeńistiń 65 jyldyǵymen quttyqtap,

olarǵa mereıtoılyq medaldardy tabys etti.

Merekelik sharaǵa ishki ister organdarynda jumys istegen Uly Otan soǵysynyń - 14 jáne olarǵa teńestirilgen - 4 ardageri, sondaı-aq 19 tyl eńbekkeri men qaza tapqan jaýyngerlerdiń 20 zaıyby qatysty.

M.Demeýov qarııalardy aldaǵy merekemen quttyqtaı kele: «Biz bıyl Jeńistiń 65 jyldyǵyn atap ótkeli otyrmyz. Elbasy N.Nazarbaevtyń tikeleı tapsyrmasyna sáıkes bul aıtýly data jer-jerlerde saltanatty túrde atap ótiledi. Qan maıdanda jaýmen kúresip, eli men jeri úshin keýdelerin otqa tosqan azamattardyń esimderi eshqashan umytylmaıdy», - dep atap ótti.

ІІD bastyǵy olardyń barlyǵyna «1941-1945 jyldardaǵy Uly Otan soǵysyndaǵy Jeńiske 65 jyl» mereıtoılyq medaldaryn tabys etip, Іshki ister mınıstrligi men vedomstvo janyndaǵy Ardagerler keńesiniń bastamasymen, ishki ister qyzmetkerleriniń bir kúndik jalaqysy esebinen, olardyń árqaısysyna memlekettik bıýdjetten tıesili 65 myń teńgeden bólek, taǵy 55 myń teńge beriletinin jetkizdi.

Ardagerler shara barysynda uıymdastyrylǵan kontsertti tamashalaǵannan keıin, merekelik dastarhanǵa shaqyryldy.