Astanalyq Golovkınniń biregeı músinin jasady

QARAǴANDY. QazAqparat - Gennadıı Golovkınniń jankúıerleri sportshynyń biregeı músinin jasap, ony Qaraǵandydaǵy dene shynyqtyrý-saýyqtyrý keshenine syılady, dep habarlaıdy QazAqparat tilshisi.

Astanalyq Baýyrjan Baqtygereevtiń mamandyǵy - estrada ánshisi. 2013 jyldan beri medıastýdııamen aınalysady. Hobbı retinde túrli shyǵarmashylyq jobalardy júzege asyrýda. Solardyń biri - tanymal tulǵalardyń músinin jasaý.

«Biz músinshi emespiz, eksperımentshimiz. Men eki jyl boıy úırenip, qalaı jasaıtynyn qarap júrdim. Taǵdyr meni jaqsy kózeshi Asanov Boronchıevpen kezdestirdi. Ol maǵan qoldaý kórsetip, osylaısha eki aıdyń ishinde Golovkınniń músinin jasadyq. Jobany maýsymnyń basynda tanystyrdyq. Bizge oraldyq jas kásipkerler qoldaý kórsetti», - deıdi Baýyrjan Baqtygereev.

Gennadıı Golovkınniń sılıkondy músininiń bıiktigi 1,79. Dene bitimin de esepke alyp jasaǵan.

«Golovkınniń komandasy jasalǵan músin týraly habardar. Qaraǵandyda aıqastyń aldynda syıladyq. Biz budan paıda tabaıyq degen oı bolǵan joq. Jáı ǵana músin jasap, qoldaý kórsetkimiz keldi», - deıdi jas jigit.

Gennadıı Golovkın sport kesheniniń ákimshiligi músinshilerge Golovkınniń qoltańbasy qoıylǵan qolǵapty tartý etti.

Golovkınniń músinin mýzeıge, dene shynyqtyrý-saýyqtyrý kesheniniń foıesine ornalastyryldy. Eskertkishke sportshynyń 2004 jyly Olımpıada óner kórsetken boks formasy kıgizilgen.

Foto: www.instagram.com/bbauka/