Astanalyq erli-zaıypty telegram arqyly esirtki satqan
QR Іshki ister mınıstrliginiń ókili Aqtoty Boranova vedomstvonyń onlaın brıfıngte osyndaı málimet aıtty.
«Astanalyq saqshylar telegram arqyly esirtki satyp kelgen ınternet-dúkenniń jolyn kesti. Kúdikti otbasy astana aýmaǵynda iri kólemde eskirti satýmen aınalysqan. Saqshylar áleýmettik jelige monıtorıng jasaý kezinde atalǵan ınternet-dúkendi nazaryna alady. Saıt ákimshisiniń kim ekeni anyqtalǵannan keıin izine ańdý qoıyldy. Sol arqyly qylmysqa qatysy bar basqa adamdardy anyqtaý kózdeldi», - dedi Іshki ister mınıstrliginiń ókili.
Kúdiktilerdi ustaý operatsııasy bir mezette eki mekenjaıda qatar júrgizilipti.
«Dúken ıesi sıntetıkalyq esirtkini jasyryp jatqan jerinen ustaldy. Sondaı-aq kólikten satýǵa dep daıyndalǵan mefedronyń 60 oramasy tabyldy. Eskirtkini kózden tasalaý úshin syranyń ýmajdalǵan qańyltyr bankasyna jasyryp, kólikke tyqqan.
Dál osy kezde páterde dúken ıesimen birge turyp jatqan áıel de ustaldy. Ol esirtki satýǵa saıttyń ákimshisi retinde aralasqan. Mekenjaıdy tintý kezinde mefedronnyń 157 dozasy, esirtki salynǵan plastık naýa, qarasora shaıyry salynǵan 886 kapsýl tabyldy», - deıdi vedomstvo ókili.
Endi saqshylar kúdiktilerdiń basqa sybaılastaryn ustaýǵa kúsh salyp jatyr.
«Osylaısha erli-zaıyptydan 3 keli mefedron jáne 260 gramm qarasora shaıyry tárkilendi. Osynyń arqasynda elorda kóshelerine jasyrylýǵa tıis bolǵan 10 myń doza esirtkiniń joly kesildi. Qazirgi tańda olardyń mefedrondy qaıdan alyp kelgeni belgili boldy. Astanaǵa memefdron jetkizýshilerdiń baılanys arnalary pysyqtalyp jatyr.
Kúdiktilerdiń ústinen QR Qylmystyq kodeksiniń 297-baby 3 bóligi boıynsha qylmystyq is qozǵaldy. ıAǵnı, 15 jylǵa bas bostandyǵynan aıyrylyp, múlikteri tárkileýni múmkin», - dedi Aqtoty Boranova.