Astanalyq áıel turǵyndardy membaǵdarlamamen páter áperemin dep aldaǵan

ASTANA. QazAqparat - Elordanyń 31 jastaǵy turǵyny azamattarǵa aqyly túrde memlekettik baǵdarlama boıynsha páter alýǵa járdem kórsetýge ýáde bergen, dep habarlaıdy QazAqparat.

Turǵyn úı satyp alǵysy keletinderdiń kúdigin oıatpaý úshin ol memlekettik mekemede baılanystary baryn aıtyp aldaǵan. Shyn máninde, áıeldiń memlekettik mekemege eshqandaı qatysy joq.

«Áıel 2021 jyldyń jeltoqsan aıynan bastap qazirgi ýaqytqa deıin elordanyń 10-ǵa jýyq turǵynyn aldaǵan. Jábirlenýshiler engizgen bastapqy jarna somasy 1-den 1,5 mln teńgege deıin bolǵan. Óziniń syıaqysyn ol birden alǵan, alaıda bergen ýádesin oryndaıtyn oıy bolmaǵan», - dep jazdy elordalyq polıtsııa departamentinen.

Qala turǵyny kinásin moıyndady. Oǵan qatysty QR QK 190-baby boıynsha tergeý amaldary júrgizilýde. Sondaı-aq, elorda aýmaǵynda jasalǵan osyǵan uqsas qylmystarǵa qatysy bar-joǵy anyqtalýda.

Polıtsııa atap ótkendeı, atalǵan baptyń sanktsııasy 1 myń AEK-ke deıingi aıyppuldan eki jylǵa deıingi merzimge bas bostandyǵyn shekteýge deıin nemese múlki tárkilenip, sol merzimge bas bostandyǵynan aıyrýdy kózdeıdi.