Astanalyq ardagerlerge kómek kórsetýge bıznesmender tartylmaq
Onyń barysynda Á.Jaqsybekov toqtalǵan negizgi taqyryptyń biri - ardagerler men qart adamdardy qoldaý boıynsha júrgizilip jatqan áleýmettik is-sharalar boldy. Ákim qart adamdarǵa turaqty túrde kómek kórsetetin aktsııa uıymdastyrýdy tapsyrdy. Bul tárbıelik, moraldyq jáne psıhologııalyq sıpattaǵy da is-sharalar bolýy tıis.
- Biz Elbasymyzdyń Jańa jyl qarsańyndaǵy ardagerlerdi qoldaý boıynsha bastamalaryn jalǵastyrýymyz qajet. Bul bir rettik aktsııa bolmaýy tıis jáne Jeńis kúninen keıin birden aıaqtalyp qalmaýy shart. Aktsııa turaqty túrde júrgizilýi kerek, - dedi qala basshysy. Elorda ákimi tıisti qalalyq qurylymdarǵa kolledjdermen jáne JOO-larmen birlese otyryp, ardagerlerge, UOS-qa qatysqandar men tyl eńbekkerlerine, sonymen qatar basqa da qart adamdarǵa kómek kórsetý jónindegi sharalardy uıymdastyrýdy tapsyrdy. Otanǵa degen súıispenshilikti boılaryna sińirý maqsatynda orta mektep oqýshylary men ardagerlerdiń kezdesýlerin uıymdastyrý, patrıottyq sabaqtar ótkizý qajet. Sonymen qatar Á.Jaqsybekov qala basshysynyń orynbasarlaryna elordalyq ardagerlerge jan-jaqty kómek kórsetýdi bıznes qurylymdar arqyly uıymdastyrýdy tapsyrdy.