Astanalyqtarǵa keıbir avtobýs jolaqtaryna ýaqytsha kirýge ruqsat etildi

<p>ASTANA. KAZINFORM - Jol jóndeý jumystaryn júrgizý kezeńine kólik júktemesin azaıtý maqsatynda keıbir kóshelerdegi &laquo;Sergek&raquo; kameralarymen avtobýs jolaqtary boıynsha qozǵalysty tirkeý ýaqytsha toqtatyldy, dep habarlaıdy Astana ákimdiginiń resmı saıty elordalyq&nbsp;<a href="https://www.instagram.com/p/C8L2QlotUHA/" target="_blank" rel="noopener">polıtsııa departamentine</a> silteme jasap.</p>

Qalanyń magıstraldyq kóshelerine ortasha jóndeý jumystaryn júrgizýge, joldyń asfalt jabynyn tóseýge jáne jol belgilerin qoıýǵa baılanysty keıbir kóshelerde avtomobılderdiń qozǵalysy ýaqytsha shekteledi.

Osyǵan baılanysty kólik júktemesin tómendetý maqsatynda osy jyldyń 14 maýsymy men 1 shildesi aralyǵynda Turan jáne Qabanbaı batyr dańǵyldarynyń boıynda, sondaı-aq Saraıshyq jáne Saryarqa kóshelerinde «Sergek» kameralarymen avtobýs jolaqtary boıynsha qozǵalysty tirkeý ýaqytsha toqtatyldy.

Júrgizýshilerden elorda joldaryndaǵy ózgeristerdi eskerýdi suraıdy.

Óz qaýipsizdigi úshin turǵyndardan jyldamdyq rejımin saqtaýdy jáne kóshelerdiń jabyq ýchaskelerin qospaǵanda, marshrýttaryn aldyn ala josparlaýdy suraıdy.