Astanalyqtardyń mazasyn alǵan túngi gýildiń sebebi belgili boldy

<p>ASTANA. KAZINFORM — 20 sáýirdiń keshinde Astananyń oń jaǵalaýynda birtúrli gýil estildi. </p>

Bul jaıynda qala turǵyndary áleýmettik jelilerde jazyp jatty. 

Jaǵdaıdy qala ákimdiginiń baspasóz qyzmeti túsindirdi.

«Jyl saıyn jylytý maýsymy aıaqtalǵannan keıin jylý elektr ortalyqtarynyń júıelerin úrleý jumysy júrgiziledi. Sondyqtan 20 sáýir keshke JEO-2-de júıeni osylaı úrledi. Bul tehnologııalyq protsess stantsııanyń durys jumys isteýi úshin qajet» dep habarlady ákimdikten.