Astanalyqtar Olımpıada júldegeri Nurbek Oralbaıdy qarsy aldy
Jeńimpaz boksshyny qarsy alýǵa Astana áýejaıynda bir top qaýym jınaldy, arasynda BAQ ókilderi de bar.
«Qoldaýlaryńyzǵa rahmet! Ókinishke qaraı, ekinshi oryn bolyp qaldy. Sizder úshin altyn alǵym kelgen. Qazaq elin qýantyp, Ánurandy shyrqatqym kelgen edi. Kelesi Olımpıadada bar kúshimdi salyp, elge abyroımen oralyp, qazaq elin qýantam dep oılaımyn. Barshańyzǵa raqmet!» - dedi Parıj Olımpıadasynyń kúmis júlde ıegeri Nurbek Oralbaı elorda jurty aldynda.
Eske sala keteıik, bokstan erler arasynda 80 keli salmaqta Nurbek Oralbaı Parıj Olımpıadasynyń kúmis júldegeri atandy. Ol fınalda ýkraınalyq Aleksandr Hıjnıakpen judyryqtasyp, jeńilip qaldy.
Sondaı-aq, otandyq boksshy kelesi Olımpıadada altyn alýǵa ýáde berdi.
Aıta ketsek, Kazinform tilshisi Nurbek Oralbaıdyń shańyraǵyna arnaıy baryp, ata-anasymen, týystarymen tildesken edi.