Astanalyq volonterler: qandaı jumystar atqaryldy

<p>Elordada volonterlik qyzmet 2014 jyldan bastap qolǵa alyndy. Ol úshin arnaıy ortalyq ashyldy. Qalalyq ákimdik alǵashqy kúnnen bastap volonterlik qyzmetti qoldap keledi. Búginde astanalyq volonterlerdiń sany jyl sanap artyp keledi jáne olardyń qyzmetiniń aıasy da keńeıýde, dep habarlaıdy <a href="Kazinform" target="_blank" rel="noopener">Kazinform</a>.</p>

«Astana jastary resýrstyq ortalyǵynyń volonterimiz. Ortalyqta volonterlikpen 2014 jyldan bastap aınalysyp kelemiz. Qazirgi ýaqytta qalada 5 myńnan astam volonter bar. Olar túrli is-sharalarǵa qatysyp kómektesedi. Volonterlerdiń qyzmeti keń, joǵalǵan adamdardy izdeıdi, qarttarǵa kómektesedi, qar tazalaıdy, qańǵybas ıt mysyqtardy ornalastyrýǵa qol ushyn sozady taǵy sol sııaqty. Sonymen qatar ekologııalyq aktsııalarǵa qatysady. 10 jyldan astam volonterlikpen aınalysyp júrgender bar. Astanada halyqaralyq jáne respýblıkalyq deńgeıde kóptegen is-sharalar ótedi. Biz olarǵa da qatysamyz. Aldaǵy ýaqytta bizdiń qyzmettiń aıasy keńesi túsedi. Bizde jyl ishinde 700 aktsııa ótedi», - dedi Astana qalalyq volonterler shtabynyń jetekshisi Shyńǵys Tileýlın.

Onyń aıtýynsha, adamdar ózderi kómekke júginip jatady.

«Biz jyldyq jospar jasaımyz, biraq ol jyl ishinde ózgeredi. Aıaq astynan paıda bolatyn is-sharalar men tapsyrmalar bolady. Bizdiń volonterler Arystaǵy jarylysta jáne Maqtaaral aýdanyndaǵy sý basý kezinde kómekke bardy. Odan bólek, Sırııadaǵy jersilkinisine bardyq. Volonter bolǵysy keletinderge qoıylatyn basty talap jasy 14-ke tolǵan bolýy tıis jáne jumys isteýge daıyn bolýy. Sonymen qara 50 jastaǵy volonterde bar. Biz jyl boıy, táýlik boıy jumys isteımiz», - deıdi ol.

Volonterlerdiń qyzmetin qalalyq ákimdik (Jastar isi jónindegi basqarma) jáne jeke kompanııalar qoldaıdy.

Foto: Kazinform

Úsh jyl qatarynan basqarma «Volonterlik bastamalardy qoldaý úshin shaǵyn granttar» jobasyn júzege asyrdy. 2022 jyly 98 qatysýshynyń ishinen 20 jeńimpaz anyqtalyp, 350 myń teńge kóleminde shaǵyn granttarǵa ıe boldy.

Kóptegen taqyrypqa arnalǵan is-sharalar uıymdastyryldy. Olardyń qatarynda kýrstar, týrnırler, keramıka boıynsha sheberlik synyptary, qummen sýret salý bar.

Foto: Kazinform

Jyl saıyn «Júrek jylýy» qaıyrymdylyq aktsııasy ótip, is-shara aıasynda halyqtyń áleýmettik az qamtylǵan tobyna kómek kórsetilgen. Kópbalaly otbasylardyń, erekshe qajettilikteri bar adamdardyń, zeınetkerlerdiń hattarynda jazǵan ótinishteri men tilekteri oryndalady. Memleket basshysy hatty birinshi bolyp oqyp, tilegin oryndady. Bul rette Prezıdent osy ıgi isti bastaǵan jastarǵa alǵysyn bildirdi.

Foto: Kazinform

QR Prezıdenti volonterler týraly Biz ózgege qol ushyn beretin jandardy árdaıym qurmetteımiz degen edi. 

«5 jeltoqsan – Halyqaralyq volonter kúni. Biz ózgege qol ushyn beretin jandardy árdaıym qurmetteımiz. Eriktiler meıirimdilik pen súıispenshiliktiń, tilektestik pen jaýapkershiliktiń ozyq úlgisin kórsetip keledi. «Adal azamat» tujyrymdamasynyń tiregi – osy myzǵymas qundylyqtar»,-dep jazdy Memleket basshysy óziniń Twitter-degi paraqshasynda.