Astanalyq turǵyndar Parıj Olımpıadasyn ashyq aspan astynda tamashalap jatyr

<p>ASTANA. KAZINFORM &ndash; Búgin Parıj Olımpıadasynyń alǵashqy kúni. Jibek Joly telearnasy aıtýly sport dodasyn tikeleı efırde kórsetýde.&nbsp;</p>

Qazir elordadaǵy «Abu Dhabi Plaza» oıyn-saýyq jáne saýda ortalyǵy aýmaǵynda bir top qaýym jınalǵan. Astanalyqtar LED ekran arqyly Parıj Olımpıadasyn tikeleı tamashalap jatyr.

«Qazaqstan sportshylary qatysatyn Olımpıadanyń barlyq túrin qaraımyn. Onyń ishinde kúres, boks, dzıýdo jáne t.b. Eldos Smetovtiń jartylaı fınalǵa shyqqanyna qýandym. Oǵan sáttilik tileımin. Jumystan kele jatqanmyn, tikeleı efırde kórsetip jatqanyn kózim shalyp, toqtaı qaldym. Sportshylarymyz elge altynmen oralsyn», - dep aǵynan jaryldy elorda turǵyny Aslanbek Myrzabekov. 

Ashyq aspan astynda Olımpıada kórermenderi dzıýdodan áıelder arasynda Ábıba Ábýjaqynovanyń ekinshi beldesýdegi jeńisine kýá boldy. 

«Mindetti túrde bizdiń sportshylarǵa jankúıer bolamyn. Jekpe-jekke asa qyzyǵamyn. Kózim nashar kóredi, teledıdardan anyq kóre almaımyn, sondyqtan úlken ekrannan kóreıin dep osynda arnaıy keldim. Sportshylarymyzǵa sáttilik pen tabandylyq tileımin», - dedi astanalyq aqsaqal Fazyl Nýrıdınov. 

Eske sala ketsek, Jibek Joly arnasy elorda turǵyndary men qala qonaqtary úshin Parıj Olımpıadasyn ár juma, senbi jáne jeksenbi kúni (saǵat 22:00–ge deıin) «Abu Dhabi Plaza» oıyn-saýyq jáne saýda ortalyǵy aýmaǵynda LED ekran arqyly tikeleı translıatsııa jasaıdy. 

Buǵan deıin Parıj Olımpıadasynyń búginge arnalǵan kestesin jarııalaǵan edik. 

Aıta keteıik, qazaqstandyq mergender Olımpıadanyń qola júldesin jeńip aldy. Bul – qorjynǵa túsken alǵashqy medal.