Astanalyq sý qoımalarynan eki adam qutqaryldy

<p>ASTANA. KAZINFORM &ndash; Elordada Tótenshe jaǵdaılar departamentiniń qyzmetkerleri, polıtsııa, Ulttyq ulan qyzmetkerlerimen, qoǵam belsendilermen jáne eriktilermen birlesip, qala sý aıdyndarynda reıdter men patrýldeý jumystaryn kún saıyn júrgizedi. Bul týraly Astana qalasy TJD Azamattyq qorǵanys basqarmasy bastyǵynyń mindetin atqarýshy Renat Smaǵulov málim etti, dep habarlaıdy elorda ákimdiginiń resmı saıty.</p>

«Sý aıdyndarynda ózin-ózi ustaý erejelerin saqtamaý, atap aıtqanda, sý aıdyndarynyń jabdyqtalmaǵan ýchaskelerinde shomylý, mas kúıde sýǵa túsý jáne balalardy sý mańynda eresekterdiń qaraýynsyz qaldyrýdyń sońy qaıǵyly jaǵdaıǵa alyp kelýi múmkin. Bıylǵy sýǵa túsý maýsymy bastalǵaly elordalyq sý qoımalarynda 2 adam qutqaryldy. Onyń bireýin tótenshe jaǵdaılar qyzmetiniń qutqarýshylary patrýldeý kezinde, ekinshisin QR UU 5573 áskerı bóliminiń sarbazy qutqardy. Elordanyń sý aıdyndarynda adamdardyń qaza bolýyn boldyrmaý maqsatynda aýdan ákimdikterimen birlesip, sý aıdyndarynyń qaýipti jáne jabdyqtalmaǵan ýchaskelerine aqparattyq stendter jáne júzýge tyıym salynǵan eskertý belgileri ornatyldy», - dedi Renat Smaǵulov. 

Kún saıyn Tótenshe jaǵdaılar departamentiniń qyzmetkerleri, polıtsııa, Ulttyq ulan qyzmetkerlerimen, qoǵamdyq belsendilermen jáne eriktilermen birlesip, qala sý aıdyndarynda reıdter men patrýldeý jumystaryn júrgizedi. Onda sý aıdyndaryndaǵy qaýipsizdik erejeleri túsindiriledi. Azamattarǵa sýdaǵy qaýipsizdik týraly eskertýler men býkletter taratylady. 

Búgingi tańda elordada shomylýǵa ruqsat etilgen 5 ýchaske sý aıdyndary bar. Olar: Ortalyq jaǵajaı, «Kóktal-1» týrǵyn alaby «Trı peskarıa» jaǵajaı aımaqtary, Kúıgenjar «Armına», «Stolıchnyı dvor» jáne Beısekova kóshesindegi kópir janyndaǵy kommýnaldyq jaǵajaı. 

«Sonymen qatar sý qoımalaryndaǵy erejelerdi buzǵany úshin QR Ákimshilik quqyqbuzýshylyqtary týraly kodeksine sáıkes ákimshilik jaýapkershilik qarastyrylǵanyn atap ótkim keledi. Osylaısha, tek sýǵa shomylý kezeńiniń basynan bastap, polıtsııa qyzmetkerlerimen birlesip, sý qoımalarynyń jabdyqtalmaǵan jerlerinde reıdter júrgizgen kezde, tártip buzýshylarǵa qatysty jalpy somasy 629 myń 486 teńgege 46 ákimshilik hattamalar toltyryldy. Osyǵan baılanysty, Astana qalasy Tótenshe jaǵdaılar departamenti qalanyń sý aıdyndarynda adam óliminiń aldyn alý maqsatynda elorda turǵyndary men qonaqtaryna sý aıdyndarynda qarapaıym qaýipsizdik erejelerin saqtaýdy, tek arnaıy bólingen jáne jabdyqtalǵan jerlerde shomylýdy qatań túrde usynady. Cý aıdyndaryna mas kúıinde sýǵa túsýge, qalqymalar men qorshaý belgilerinen ary júzýge, sý nysandarynyń tanys emes jerlerinde sýǵa sekirýge, sondaı-aq balalardy eresekterdiń qaraýynsyz sýdyń janynda qaldyrýǵa bolmaıtynyn eskertemiz», - dedi Renat Smaǵulov.