Astanalyq polıtseıler praktıkalyq oq atýdan el kýbogyn jeńip aldy

<p>ASTANA. KAZINFORM &ndash; Qonaev qalasynda Qaisar oqý-jattyǵý atý alańynda &laquo;Tapansha&raquo; (classic) bóliminde praktıkalyq atýdan QR Kýbogynyń fınaly ótti. Komandalyq esepte Astana qalasy arnaıy maqsattaǵy polıtsııasynyń jyldam áreket etetin arnaıy bólimshesi (SOBR) birinshi oryndy ıelendi.</p>

Praktıkalyq oqý atý sportymen Qazaqstannyń barlyq áskerı mindettileri, arnaıy jasaqtary aınalysady. Ásirese «Classic» bólimine eń kóp mergender qatysady jáne fınalǵa Jyldam qımyldaıtyn arnaıy jasaq, Arlan, UQK jáne basqa da bólimshelerden 19 komanda baq synasty. 
Jeke esepte 1-oryndy Astana qalasy arnaıy maqsattaǵy polıtsııasynyń jyldam áreket etetin arnaıy bólimshesiniń polıtsııa maıory O. Senkebaev, 2-oryndy – polıtsııa kapıtany E. Bazarbaev jáne 3-oryndy Qaraǵandy qalasynyń jyldam áreket etetin arnaıy bólimshesiniń qyzmetkeri ıelendi.

 
«Jarys joǵary deńgeıde ótti. Bul bizdiń sheberligimizdi arttyryp, deńgeıimizdi kóterýge, osy baǵytta damýymyzǵa úlken múmkindik. Tapsyrmalar jyldan-jylǵa qıyndap barady. Nysanaǵa dóp tıgizý ońaı emes, oǵan daıyndyq kerek, sheberlik jáne temirdeı tártip kerek. Qazir praktıkalyq oq atýdan Astana komandasy el boıynsha úzdik sanalady, odan bólek, Qyzyljar jáne Pavlodar, Qostanaı komandalary jaqsy qadam basyp ketedi», - deıdi dedi elordalyq Polıtsııa departamentiniń Jyldam qımyldaıtyn arnaıy jasaq qyzmetkeri, kapıtan Erlan Bazarbaev agenttik tilshisine bergen suhbatynda.

 Buǵan deıin Astana qalasynyń arnaıy maqsattaǵy polıtsııasynyń komandasy aqpan aıynda ótken QR Kýbogynyń 1-kezeńinde jáne mamyr aıynda ótken Kýboktyń 2-kezeńinde – 1 oryn alǵan edi.
Osylaısha, Astana qalasy arnaıy maqsattaǵy polıtsııasynyń Jyldam qımyldaıtyn arnaıy jasaǵy 3 ret QR Kýbogyn jáne QR chempıonatyn jeńip alyp, 2024 jyldyń absolıýtti chempıony atandy.

«Bıyl komandamyz tarıhta bolmaǵan nátıje kórsetti, 4 kezeńde jeńiske jetip, absolıýtti chempıon atandy. Buǵan deıin eshbir komanda mundaı kórsetkishke jetpegen. Bizdiń komanda halyqaralyq jarystarǵa qatyssa da, úzdik nátıjeler kórseter edi, - deıdi E. Bazarbaev.

 
Aıta keteıik, praktıkalyq oq atý kásibı sport retinde ótken ǵasyrdyń 50-jyldary AQSh-ta bastaý aldy. Onda birneshe qarý túrleri – tapansha, vıntovka, bytyraly myltyq qoldanylady.
Halyqaralyq praktıkalyq atý konfederatsııasy (IPSC) 1976 jyly qurylǵan. Qazaqstanda bul sport 2010 jyldary belsendi júrgizile bastady.