Astanalyq oqýshylar aqyldy robot jasap shyǵardy

<p>ASTANA. KAZINFORM &ndash; Elordalyq oqýshylar robotqa Temirbek degen at qoıypty. Aqyldy robot qazaq tilinde sóıleıdi. Bul týraly qalalyq bilim basqarmasy habarlaıdy.</p>

Robotty Muqaǵalı Maqataev atyndaǵy 74 mektep-gımnazııasynyń 10 synyp oqýshylary qurastyrdy. Temirbek – oqýshylardy sabaq barysynda yntalandyrý úshin taptyrmas qural.

- Sondaı-aq, sabaqtan soń keri baılanys retinde paıdalanýda óte tıimdi. Robotqa qyzyǵýshylyq tanytqandar bar. Búginde Temirbek roboty elimizdiń basqa qalalaryndaǵy oqý oryndarynda bilim alýshylarmen kezdesip júr,- deıdi ınformatıka pániniń muǵalimi Aıdana Ońǵarbekqyzy.

Onyń aıtýynsha, Temirbek qazaq tilinde sóıleıdi jáne suraqtarǵa jaýap beredi. Endi daryndy oqýshylar robotty júrgizýdiń jolyn oılastyryp jatyr.

Aıta keteıik, bıyl qazaqstandyq oqýshylar robototehnıkadan úsh dúrkin álem chempıony atandy.

Jazda aqtaýlyq oqýshy halyqaralyq robot tehnıkasy jarysynda bas júlde alǵan edi.