Astanalyq dárigerler ushaqta ınsýlt alǵan Japonııa azamatynyń ómiri úshin kúresip jatyr

<p>ASTANA. KAZINFORM &ndash; Tokıodan Tsıýrıhke baǵyt alǵan áýe reısi elorda áýejaıyna shuǵyl qondy. Ushaqta jolaýshylardyń biri ınsýlt alǵan.</p>

«Bıyl 17 tamyzda jedel járdem qyzmeti áýejaıdan mı qan aınalymynyń jiti buzylýymen (ınsýlt) er adamdy №2 qalalyq kópbeıindi aýrýhanaǵa jetkizdi. Reanımatsııa bólimshesine jatqyzyldy, qazir patsıenttiń jaǵdaıy aýyr», - dep jazdy Astana qalasy qoǵamdyq densaýlyq saqtaý basqarmasynan. 

Sondaı-aq, Densaýlyq saqtaý basqarmasynan 52 jastaǵy japon azamatyna «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń 88-babynyń 5-tarmaǵyna sáıkes em kórsetiletini aıtyldy. 

Eske sala keteıik, 17 tamyzda elorda áýejaıynan barlyq reıs ýaqytsha toqtatylyp, áýejaı eki saǵatqa jabylǵan edi. Oǵan sebep 50 jastaǵy jolaýshy ınsýlt alǵan, sosyn áýe ekıpajy elorda áýejaıyna qonýǵa sheshim qabyldaǵan.