Astanalyq áıel jalǵan qujat jasap, kolonııaǵa kezdesýge kirmek bolǵan

<p>ASTANA. KAZINFORM — Astana turǵyny qaýipsizdigi barynsha joǵary kolonııaǵa sottalǵanǵa uzaq kezdesýge kelip, nekege turý týraly jalǵan kýáligin usynǵan.</p>

Qujattyń túpnusqalyǵy mekeme qyzmetkerlerinde kúmán týdyrdy, Aqmola oblysy Arshaly kentiniń AHAT qyzmetkerleri kúmándi rastap, tirkeý jýrnalynda neke qııý týraly kýálik kórsetilmegenin habarlady.

Qazirgi ýaqytta Aqmola oblysy PD Arshaly aýdandyq polıtsııasy QR QK 385-baby 3-bóligi boıynsha «jalǵan qujattardy, mórlerdi, blankilerdi, poshta tóleminiń memlekettik belgilerin, memlekettik nagradalardy qoldan jasaý, daıyndaý nemese ótkizý» boıynsha sotqa deıingi tergep-tekserýdi bastady. Áıelge 160 AEK-ke deıin aıyppul salynady ne sol mólsherde túzeý jumystary, ne 160 saǵatqa deıingi qoǵamdyq jumystar nemese 40 táýlikke deıin qamaýǵa alynady. 

«Qylmystyq atqarý júıesi qyzmetin retteıtin „Normatıvtik-quqyqtyq aktilerdiń talaptaryna sáıkes uzaq kezdesýler jubaıymen (zaıybymen, jaqyn týystarymen) beriledi, onda týystyq baılanystar tıisti qujattarmen rastalady“, — dep atap ótti Astana QAJD bastyǵynyń orynbasary Irsalı Ahmedov.