«Astanagorarhıtektýra» JShS «Best Enterprise» eýropalyq marapatyn ıelendi
10:22, 06 Qańtar 2014
ASTANA. 6 qańtar. QazAqparat - Eýropalyq bıznes assambleıasy «Astanagorarhıtektýra» JShS sáýlet jáne qurylys salasyndaǵy kásibı qyzmet pen sapa jetistikteri úshin «Best Enterprise» («Úzdik kásiporyn») bedeldi eýropalyq marapatyn tabystady. Bul týraly Astana qalasy ákimi apparatynyń baspasóz qyzmetine silteme jasap astana.kz habarlady.
«Bul marapat kásiporyn jetistikteriniń ǵana emes, sondaı-aq, zamanaýı qarqyndy megapolıs retinde Astananyń sáýlet jáne qala qurylysynyń úılesimdi damýynyń belgisi bolyp tabylady», - dedi Astana qalasy ákiminiń birinshi orynbasary Sergeı Horoshýn ujymǵa marapatty usyný saltanaty barysynda.
«Astanagorarhıtektýra» JShS marapattaý týraly sheshim 2013 jylǵy 18 jeltoqsanda Londonda jarııa etildi.
Kásiporynǵa 5 jylǵa tıisti lıtsenzııa berilip, tıimdi, qarqyndy damyp jatqan kompanııalar men óńirlerdiń jalpy eýropalyq tizilimine engizildi. Budan basqa, kompanııa dırektory Qasymbek Aıtymov ataýly sertıfıkatpen jáne «Best Manager of the Year» («Jyldyń úzdik top-menedjeri») tósbelgisimen marapattaldy.