Astanaǵa jylý qashan beriledi

<p>ASTANA. KAZINFORM &ndash; Jazdyń sońǵy kúnderi jańbyrly bolyp, qyrkúıekte kún sýyta bastady. Bul rette, elordalyqtar bir-birinen jylýdyń qashan beriletinin surap jatqany anyq.</p>

«Qazgıdromet» RMK mamandarynyń aıtýynsha, túnde termometrler qazirdiń ózinde 5-7 gradýsqa deıin tómendegen. Sonymen, jylý qashan beriledi? Bul saýalǵa Astana qalasy ákiminiń baspasóz qyzmeti jaýap berdi.

«Jylý berý maýsymy Astana qalasy máslıhatynyń sheshimimen bekitilgen Astana qalasynda jylytý maýsymyna daıyndyq jáne ony ótkizý qaǵıdalaryna sáıkes bastalady. Atap aıtsaq, syrtqy aýa temperatýrasynyń belgilengen ortasha táýliktik temperatýrasy bes kún boıy 10 gradýs jáne odan tómen bolsa jylytý maýsymy bastalady degen sóz», - dedi Astana qalasy ákiminiń baspasóz qyzmeti ókilderi.

Esterińizge salsaq, buǵan deıin elimizdegi jylý ortalyqtaryndaǵy apattardan keıin jaǵdaı qanshalyqty túzelgenin zerttep kórgen edik.