Astanaǵa Sırııa boıynsha kezdesýdiń qatysýshylary kelip jatyr
Bul týraly Májilistegi Úkimet saǵatynda QR Syrtqy ister mınıstri Qaırat Ábdirahmanov málim etti, dep habarlaıdy QazAqparat.
Onyń sózine qaraǵanda, Sırııada jaýyngerlik áreketterdi doǵarý rejimi tıisti nátıje berdi jáne bitimgerlikke qosylǵandar sany artyp keledi.
«Dál qazir osy kezdesýge taǵy kimder qatysatyn naqty aıta almaımyn. RF tarapynan resmı habar aldyq, ıaǵnı RF Prezıdentiniń arnaıy ókili, RF Syrtqy ister mınıstriniń arnaıy ókili qatysady. Sonymen qatar Túrkııa men Iran syrtqy ister mınıstrleriniń orynbasarlary qatysatyny josparlanǵan. Búginde osy kezdesýdiń ózge de qatysýshylarynan da jaýap kútip otyrmyz», - dedi mınıstr.
Esterińizge sala keteıik, buǵan deıin Sırııa boıynsha Astanadaǵy kezekti kezdesý 14-15 naýryzda ótetindigi habarlanǵan edi. Al talqylaýlardyń birinshi kezeńi elordada 23-24 qańtarda uıymdastyrylǵan bolatyn. 16 aqpanda kelissózderdiń ekinshi kezeńi ótti.