Astanaǵa ShYU elderindegi syrtqy saıası vedomstvo basshylary keledi

<p>ASTANA. KAZINFORM &ndash; 2024 jylǵy 21 mamyrda Astanada QR Premer-Mınıstriniń orynbasary &ndash; Syrtqy ister mınıstri Murat Nurtileýdiń tóraǵalyǵymen Shanhaı yntymaqtastyq uıymyna múshe memleketterdiń Syrtqy ister mınıstrleri keńesiniń kezekti otyrysy ótedi.</p>

Іs-sharaǵa uıymǵa múshe memleketterdiń syrtqy saıası vedomstvolarynyń basshylary, Shanhaı yntymaqtastyq uıymynyń Bas hatshysy jáne ShYU Óńirlik terrorızmge qarsy qurylymy Atqarýshy komıtetiniń dırektory qatysady.

«Otyrys barysynda bıyl Astanada ótetin ShYU-ǵa múshe memleketter basshylary keńesiniń otyrysyna daıyndyq barysyn qaraý josparlanǵan. Delegatsııa basshylary Uıym aıasyndaǵy saıası, saýda-ekonomıkalyq jáne mádenı-gýmanıtarlyq salalardaǵy halyqaralyq jáne óńirlik ahýal, qaýipsizdik ári yntymaqtastyqty damytý máseleleri boıynsha pikir almasady. Otyrysta Uıymnyń aldaǵy sammıtiniń qorytyndy qujattaryna qatysty birqatar sheshimge qol qoıý, sondaı-aq aqparattyq habarlama qabyldaý eskerilgen», - dedi Syrtqy ister mınıstrliginiń resmı ókili Aıbek Smadııarov mınıstrlikte ótken aptalyq baspasóz máslıhatynda.