Astanaǵa Saha Respýblıkasynyń basshysy keledi

<p>ASTANA. KAZINFORM &ndash; 17-21 sáýir aralyǵynda Astanaǵa Saha Respýblıkasynyń basshysy Aısen Nıkolaev saparlap keledi. Bul jaıynda Syrtqy ister mınıstrliginiń resmı ókili Aıbek Smadııarov aıtty.</p>

«2024 jylǵy 17-21 sáýir aralyǵynda Saha Respýblıkasynyń basshysy Aısen Nıkolaevtyń Astana qalasyna sapary ótedi. Sondaı-aq, ol Qazaqstanda Saha Respýblıkasynyń kúnderin ashý rásimine qatysady. Sapar aıasynda onyń el basshylyǵymen, birqatar memlekettik organ ókilderimen kezdesýleri, ıAkýtııanyń ınvestıtsııalyq jáne týrıstik áleýeti týraly tusaýkeser shara, «B2B» kezdesýler jáne taǵy basqa is-sharalar josparlanǵan», - dedi ol vedomstvonyń baspasóz máslıhatynda.

Saha Respýblıkasynyń kúnderi Astana men Almaty qalalarynda 17-24 sáýir aralyǵynda ótedi.

«Іs-sharada taýar óndirýshiler men ınnovatsııalyq kásiporyndar tanystyrylady. Sahanyń ınvestıtsııalyq jáne týrıstik áleýeti tanystyrylady. Sondaı-aq, ıAkýt mýzykasy men operasynyń qaıratkerleri óner kórsetedi», - dedi Aıbek Smadııarov.