Astanaǵa Pákistan Prezıdenti keldi
15:27, 09 Qyrkúıek 2017
ASTANA. QazAqparat - Pákistan Prezıdenti Mamnýn Hýseınniń ushaǵy Astana áýejaıyna kelip qondy, dep habarlaıdy «QazAqparat» HAA tilshisi.
Pákistan lıderin QR Qorǵanys jáne aeroǵarysh ónerkásibi mınıstri Beıbit Atamqulov jáne Astana ákiminiń orynbasary Ermek Amanshaev qarsy aldy.
Buryn habarlanǵanyndaı, 10-11 qyrkúıek kúnderi Astanadaǵy Táýelsizdik saraıynda Qazaqstan Respýblıkasynyń Prezıdenti Nursultan Nazarbaevtyń tóraǵalyǵymen tarıhta alǵash ret Islam Yntymaqtastyǵy Uıymynyń ǵylym jáne tehnologııalar jónindegi Sammıti ótedi. Sammıtke IYU-ǵa múshe memleketterdiń, baqylaýshy elderdiń, sondaı-aq halyqaralyq jáne aımaqtyq uıymdardyń 80-ge jýyq delegatsııasy qatysady.
Budan tys, 10 qyrkúıek kúni Astanada EKSPO-2017 hadyqaralyq mamandandyrylǵan kórmesiniń saltanatty jabylý rásimi ótedi.