Astanaǵa kireberiske jan-jaqtan blokpost qoıyla ma – Jeńis Qasymbektiń túpkilikti jaýaby

<p>ASTANA. KAZINFORM &ndash; Elorda ákimi Jeńis Qasymbek Astanaǵa kireberis beketterde blokpost ornatýǵa qatysty saýalǵa jaýap berdi.</p>

«Bul durys emes. Qazaqstan — birtutas memleket jáne ár azamat ózi qalaǵan jerde ómir súrýge quqyly. Astana — bizdiń ortaq elordamyz. Sondyqtan bizde eshqandaı shekteý joq jáne bolýy da múmkin emes», — dedi Jeńis Qasymbek Úkimet otyrysynan keıingi brıfıngte BAQ ókilderiniń saýalyna. 

Esterińizge sala ketsek, Astana qalalyq polıtsııa departamenti kóshi-qon basqarmasynyń bastyǵy Erbol Mahmetov elorda aýmaǵyna kireberis beketterde blokpost  ornatý jaǵy qaralyp jatqanyn aıtqan bolatyn.

«Qalaǵa kireberis jerlerde blokpost qoıý máselesi qaralyp jatyr. Bul másele Іshki ister mınıstriniń aldynda aıtyldy, vedomstvo basshysy kelisedi dep oılaımyn», — degen edi Erbol Mahmetov.