Astanaǵa kóshpendiler oıynyna 100 myńǵa jýyq týrıst keledi — vıtse-mınıstr

<p>ASTANA. KAZINFORM — Bıyl 8-13 qyrkúıekte V dúnıejúzilik kóshpendiler oıyndaryna 89 elden 2000-nan astam sportshy qatysady dep josparlanǵan. 21 sport túrinen bas-aıaǵy 97 medal sarapqa salynady.</p>

«Týrıster aǵynyn shamamen eseptedik. Jalpy, kóshpendiler oıyny kezinde, ıaǵnı bir aptanyń ishinde 100 myńǵa jýyq týrıst keledi dep kútip otyrmyz. Onyń ishinde týrısterden bólek, qatysýshylar men sheteldik ókilder de bar», — dedi Týrızm jáne sport vıtse-mınıstri Serik Jarasbaev Astanada ShYU sammıtine kelgen meımandarǵa kóshpendiler oıynyna daıyndyq barysyn tanystyrý kezinde. 

Buǵan deıin vıtse-mınıstr kóshpendiler oıyndary kezinde sheteldik meımandar úshin mınıstrlik elorda ákimdigimen birlesip 32 qonaq úıdi daıyndap jatqanyn málim etken edi. 

Eske sala keteıik, Dúnıejúzilik kóshpendiler oıyndarynyń Qazaqstanda ótetini byltyr qazanda belgili boldy. Al alǵashqy bılet bıyl naýryzda satyldy.

Búgin Astanada ShYU sammıtine kelgen meımandarǵa kóshpendiler oıynyna daıyndyq barysy tanystyryldy.

Qonaqtar arasynda Germanııa, Úndistan, Ispanııa, Italııa, Ońtústik Koreıa, Lıvan, Malaızııa, Norvegııa, Serbııa jáne Chehııadan kelgen delegattar men jýrnalıster bar.

Sondaı-aq, dúnıejúzilik kóshpendiler oıyndary kezinde qazaq aýyly qurylady.

Odan bólek, S. Jarasbaev kóshpendiler oıynyna bılet satylymynyń nege ýaqytsha toqtatylǵanyn túsindirdi.