Astanaǵa kólikpen aqyly kirý júıesin tańǵy qarbalas ýaqytqa engizý usynyldy

ASTANA. QazAqparat - «Astana LRT» JShS basqarma tóraǵasy Talǵat Ardan Astanaǵa kólikpen aqyly kirý júıesin belgili bir kezeńge ǵana engizýdi usyndy. Bul jaıynda ol astanalyq ákimdiktegi qoǵamdyq tyńdaýlar barysynda habarlady.

Onyń aıtýynsha, Astanadaǵy tańǵy qarbalas ýaqytta Qabanbaı batyr, Turan, Bógenbaı batyr, Tilendıev kóshelerindegi kólikterdiń kóptigi 85%-ǵa deıin óziniń shegine jetti.  

 «ıAǵnı búginde bul kóshelerde ary qaraı damý múmkindigi joq. Osyǵan baılanysty, belgili bir kezeńde ǵana aqyly túrde kirýdi engizgen jón», - dedi T.Ardan.

«Astana LRT» JShS basqarma tóraǵasy atap ótkendeı, tańǵy 7-den 10-ǵa deıin qalaǵa kirýdi aqyly etý qajet.

Málimetterge súıensek, kún saıyn Astanaǵa Qaraǵandy, Pavlodar, Kókshetaý jáne Qorǵaljynnan 75 myń kólik quraly keledi.