Astanaǵa qazaqstandyq týrıster mingen 5 bort ushyp keledi
23:03, 09 Qańtar 2022
NUR-SULTAN. QazAqparat – Búgin túnde Nur-Sultan qalasyna qazaqstandyq týrıster mingen 5 bort qonady. QazAqparat bul týraly «Habar 24» telearnasyna silteme jasap habarlaıdy.
«Týrıstik Qamqor» qorynyń aqparatynsha, elordaǵa barlyǵy 5 bort qonady. Olarmen BAÁ, Shrı-Lanka, Úndistan jáne Maldıvte bolǵan qazaqstandyqtar ushyp keledi. Tek Maldıvten 500 adam keledi.
Bastapqyda týrıster Almatyǵa oralýy kerek bolatyn. Alaıda, Almaty áýejaıynyń jumysy jappaı tirtipsizdikderden keıin qalpyna keltirilgen joq.
Ushyp keletin azamattardy kútip alatyn týǵan-týystardan komendanttyq saǵat tártibin buzbaý suralady. Sebebi barlyq reıster tańǵa jýyq qonady.