Astanaǵa gaz tartý jumystary belgisiz merzimge toqtatyldy - Energetıka mınıstrligi

ASTANA. QazAqparat - Astanaǵa gaz tartý jónindegi másele belgisiz merzimge toqtatyldy. Bul týraly búgin Ortalyq kommýnıkatsııalar qyzmetinde ótken baspasóz máslıxatynda QR Energetıka mınıstrligi gaz ónerkásibin damytý departamentiniń basshysy Ǵalym Nurǵazıev málim etti.

«Búgingi tańda Astanaǵa gaz qubyryn tartýdyń eki jobasy bar. Olar: Qostanaı oblysynan tartylatyn «Qartaly - Tobyl - Kókshetaý - Astana» magıstrali men «Beıneý - Bozoı - Shymkent» qubyryna «Qyzylorda - Jezqazǵan - Temirtaý - Qaraǵandy - Astana» magıstralin jalǵaý arqyly elordaǵa gaz jetkizý. Birinshi joba boıynsha jumystar atqaryldy, jobalyq-smetalyq qujattamasy da bar. Ekinshi magıstral boıynsha azdaǵan texnıkalyq-ekonomıkalyq esepteýler jasaldy. Qazirgi ýaqytta eki jobany da toqtata turý týraly sheshim shyǵaryldy. Ázirge belgisiz merzimge», - dep atap ótti departament dırektory.