Astanaǵa BUU-nyń Adam quqyǵy jónindegi joǵarǵy komıssary keledi
16:34, 13 Naýryz 2023
ASTANA. QazAqparat – Astanaǵa BUU-nyń Adam quqyǵy jónindegi joǵarǵy komıssary keledi. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.
«2023 jylǵy 16-17 naýryz aralyǵynda BUU-nyń Adam quqyǵy jónindegi joǵarǵy komıssary Folker Tıýrktiń Astana qalasyna jumys sapary ótedi. F.Tıýrktiń memleket jáne Syrtqy ister mınıstrliginiń basshylyǵymen, sondaı-aq Adam quqyqtary jónindegi ýákilmen kezdesýleri josparlanýda», - dedi resmı ókil.
Sondaı-aq ol atalmysh meımannyń dáris oqýy joparlanǵanyn aıtty.
«Sonymen qatar joǵarǵy komıssar bıyl atalyp ótetin Adam quqyqtary jónindegi dúnıejúzilik deklaratsııanyń 75 jyldyǵyna jáne Іs-qımyl jospary boıynsha Vena deklaratsııasynyń 30 jyldyǵyna arnalǵan Qazaq memlekettik zań ýnıversıtetinde dáris beredi.
17 naýryzda BUU ǵımaratynda sapar nátıjesi boıynsha qorytyndy baspasóz brıfıngi ótedi», - dedi Aıbek Smadııarov.