Astanaǵa 16 jyl ishinde 5 trln. teńge salyndy - I. Tasmaǵambetov
Qala basshysynyń atap ótýinshe, Elbasy N.Nazarbaevtyń turaqty nazar aýdarýynyń arqasynda qalaǵa ınvestıtsııa tartý eń birinshi kezektegi basymdyqqa aınalyp otyr. Sonyń nátıjesinde qysqa ǵana ýaqyttyń ishinde qala qarqyndy damý jolyna tústi. «Osy ýaqyt aralyǵynda qala halqy shamamen 3 esege, ishki jalpy ónimi 54 ese artty. Al Astananyń JІÓ-degi úlesi 6 esege, ınvestıtsııa 28 esege ulǵaıdy. 16 jyldyń ishinde Astanaǵa 4 trln. 780 mlrd. teńge quıyldy», - dedi elorda ákimi. I.Tasmaǵambetovtiń aıtýynsha, Astana elorda bolǵaly beri 12 mln. sharshy metr baspana salyndy. Onyń shamamen 6 mln. sharshy metri sońǵy 4 jylǵa tıesili. Qurylys salasynyń qarqyn alýynan qalanyń ındýstrıaldy damýy deńgeıi qalyptasyp otyr. «Bizder úshin qalada álemdik tanymaldyqqa ıe óndiris oshaqtarynyń ashylýy barynsha mańyzdy. Ótken jyldyń ózinde ǵana óndiristiń jalpy kólemi jarty mıllıard dollarǵa jetti», - dedi ol.