Astanaenergosbyt fýnktsııalarynyń bir bóligin Astana-AEK-ke beredi
Nur-Sultan ákimdiginiń málimetinshe, uıym elektr energııasyn esepke alý qurylǵylarynan kórsetkishterdi alý, plombalaý, abonentterdi ajyratý nemese jelilerge qosý jáne t.b. qyzmetterdi kezeń-kezeńimen ózine alady.
«Astana-AEK» AQ 2022 jyldyń birinshi shildesinen bastap kóppáterli turǵyn úı qory (KTQ) boıynsha qosymsha fýnktsııalardy oryndaýdy bastady:
KTQ elektr energııasyn esepke alý quraldarynyń kórsetkishterin aı saıyn alý (esepke alý quraly páterde ornatylǵan jaǵdaıda, tehnıkalyq jaı-kúıin tekserý úshin baqylaýshyny kirgizý qajet). Aıdyń 10-kúninen bastap sońyna deıin esepke alý quraldarynyń kórsetkishterin berý arqyly tutynýshynyń ózine-ózi qyzmet kórsetýine jol beriledi:
Eseptik aıdaǵy elektr energııasynyń kólemimen tizilimdi qalyptastyrý jáne kórsetilgen qyzmetterdi KTQ esepteý úshin energııamen jabdyqtaýshy uıymǵa málimetterdi berý;
KTQ jáne kondomınıým obektilerinde elektr energııasyn kommertsııalyq esepke alý júıesin plombalaý;
KTQ-da elektr energııasyn esepke alýdyń durystyǵyn tekserý, urlaýdy jáne shartsyz paıdalanýdy anyqtaý;
KTQ tutynýshylarymen, jeke sektormen jáne zańdy tulǵalarmen energııamen jabdyqtaý shartyn jasasý úshin qujattardy jınaý jáne olardy energııamen jabdyqtaýshy uıymǵa berý;
KTQ tutynýshylaryn debıtorlyq bereshek úshin jelilerden ajyratý/qosý. Tutynýshy tutynylǵan elektr energııasy úshin Qazaqstan Respýblıkasynyń zańnamasynda belgilengen tártippen saralanǵan esepke alý júıeleri boıynsha tólemdi ýaqytyly júrgizýi qajet.
Joǵaryda atalǵan fýnktsııalardy buryn energııamen jabdyqtaýshy uıym «Astanaenergosbyt» JShS júzege asyrǵanyn atap ótken jón. «Astana-AEK» AQ joǵaryda aıtylǵan fýnktsııalardyń kezeń-kezeńmen aýysýy kezinde «Astanaenergosbyt» JShS-men ózara is-qımyldy jalǵastyrady: 1 shildeden bastap Esil aýdany, 1 tamyzdan Saryarqa aýdany, 1 qyrkúıekten bastap Almaty aýdany, 1 qazannan Baıqońyr aýdany.
Kompanııa árdaıym esepke alý quraldarynyń kórsetkishterin berýdiń túrli joldaryn uıymdastyrady jáne qoldanysqa engizedi. Elektr energııasyn esepke alý quraldarynyń kórsetkishterin:
Call-ortalyq: 643-407, 643-408.
Saıt: SKPE.ASTREC.KZ (kórsetkishterdi berý úshin tutynýshy mamandarǵa habarlasyp, tirkeý júrgizý qajet)
WhatsApp-bot: 8 771 083 77 94,
Telegram‐bot: AstanaREC_bot arqyly berýge bolady
Foto: Nur-Sultan qalasynyń ákimdigi