Astanadan Rımge jáne Mılanǵa ushaq qatynaıtyn bolady

<p>RIM. KAZINFORM &ndash; Astana &ndash; Rım jáne Astana &ndash; Mılan áýe reısterin ashý josparlanyp otyr. Bul týraly Memleket basshysy Qasym-Jomart Toqaev NEOS áýe kompanııasynyń prezıdenti Lýpo Rattatstsıdi qabyldaý kezinde aıtty.</p>

Aqordanyń baspasóz qyzmetinen málim etkendeı, kezdesý barysynda azamattyq avıatsııa salasyndaǵy yntymaqtastyqtyń perspektıvalary talqylandy.

Foto: Aqorda

Qasym-Jomart Toqaevtyń pikirinshe, eki el arasyndaǵy tikeleı áýe qatynastary saýda-ekonomıkalyq, mádenı-gýmanıtarlyq baılanystar men týrızmniń damýyna tyń serpin beredi. Prezıdent Almaty – Mılan áýe reısine suranystyń joǵary ekenin atap etti. Bul reıs ashylǵaly beri 70 myńǵa jýyq jolaýshy tasymaldanǵan.

Óz kezeginde Lýpo Rattatstsı aımaqtaǵy áýe baǵyttarynyń aýqymyn keńeıtý jónindegi josparyn tanystyrdy. Atap aıtqanda, Almaty – Mılan baǵytyndaǵy reıs sanyn kóbeıtý, Astana jáne Rım, sondaı-aq Astana jáne Mılan arasynda áýe qatynastaryn ashý josparlanyp otyr.

Foto: Aqorda

Prezıdent NEOS áýe kompanııasymen yntymaqtastyq Qazaqstandaǵy azamattyq avıatsııa men kólik-logıstıka salalaryn damytýǵa oń yqpal etetinine senim bildirdi.

NEOS kompanııasy 2001 jyly qurylǵan. Onyń negizin ıtalııalyq Alpitour S.p.A. jáne germanııalyq TUI Group týrıstik kompanııalary birge qalady. Ol Italııanyń eń iri jeke avıakompanııalarynyń biri retinde 70-ten astam baǵytqa tasymal jasaıdy. 2022 jyly kompanııanyń tabysy 640 mıllıon AQSh dollaryn qurady.