Astanadan Pavlodar arqyly Semeıge baratyn jol jyl sońyna deıin ashylady
«Biz Aqmola oblysynda boldyq, biraq Pavlodar oblysyndaǵy joldyń ýchaskesi kúrdeli bolyp otyr. Biz barlyq baǵyttar boıynsha jumystardyń júrip jatqanyna kóz jetkizdik. Degenmen, birqatar máseleler de bar. Biraq, «QazAvtoJol» AQ men QR IDM Avtomobıl joldary komıteti jańa merdigerlerdi tapty. Qazir tolyqtaı jumys júrip jatyr, merdigerler jumystaryn sapaly ári ýaqtyly aıaqtaýǵa ýáde etti», - dep málimdedi Parlament Májilisiniń depýtaty Gleb Şegelskıı.
Pavlodar oblysyndaǵy Parlament Májilisi komıssııasynyń kóshpeli otyrysy barysynda depýtattar Aqmola jáne Pavlodar oblystarynda «Nurly jol» memlekettik baǵdarlamasy boıynsha jol ýchaskeleriniń qurylysymen tanysty.
«Qashyqtyǵy 905 shaqyrym bolatyn Ortalyq-Shyǵys jobasy júzege asyrylýda. Joba jumystary 2010 jyldan beri júrgizilip keledi. Dálizdiń qurylys jumystary 2019 jyly aıaqtalady», - dedi «QazAvtoJol» UK» AQ Pavlodar oblystyq bólimshesiniń basshysy Qaırat Karebaev.
2018 jyldyń qorytyndysy boıynsha Astana-Pavlodar jáne Pavlodar-Semeı baǵyttary boıynsha joldy ashý josparda bar. Bul jumystarǵa 55,3 mıllıard teńge bólingen. Onyń ishinde 9,1 mıllıard nemese bólingen qarjynyń 16 protsenti ıgerilgen.
Joldyń qurylysynda bolǵan komıssııa «Nurly jol» memlekettik baǵdarlamasyn iske asyrýǵa Qazaqstan Respýblıkasynyń Ulttyq qory bólgen bıýdjettik qarajattyń tıimdi jumsalýyn qadaǵalaý úshin qurylǵan.