Astanadan Mońǵolııaǵa bara jatqan avtobýs órtenip ketti: qazaqstandyqtar zardap shekti me

<p>ASTANA. KAZINFORM &ndash; Astana-Baıan-Ólgıı baǵytynda kele jatyp órtengen avtobýsta qazaqstandyqtar zardap shekken joq, dep habarlaıdy &nbsp;Kazinform agenttiginiń menshikti tilshisi.</p>

Tótenshe jaǵdaılar mınıstrliginiń Altaı Respýblıkasy boıynsha bas basqarmasynyń málimetinshe, órtengen avtobýstyń barlyq jolaýshysy Qazaqstan azamattary bolǵan. Olar keshe Reseı-Mońǵolııa shekarasyn kesip ótip, kólik kompanııasy bergen qosymsha avtobýspen Baıan-Ólgııge saparyn jalǵastyrdy.

Qazaqstan Respýblıkasynyń Ombydaǵy Bas konsýldyǵynyń málimetinshe, osy oqıǵaǵa qatysty otandastar tarapynan sheteldik mekemege ótinishter túsken joq.

Buryn habarlanǵandaı, tótenshe jaǵdaı senbi kúni tańerteń Altaı respýblıkasynyń Ońgýdaı aýdanyndaǵy tas jolda bolǵan. Avtobýs shamamen tańǵy saǵat 6-da «Chýıskıı trakt» R-256 tas jolynyń 720 shaqyrymynda órtengen.

Salonda 50 adam bolǵan, onyń 15-i bala. Barlyǵy ózdiginen evakýatsııalanǵan, qaza tapqandar men zardap shekkender joq. Bir saǵattyń ishinde órt sóndirildi. Osydan keıin jolaýshylar Inıa aýylyndaǵy ýaqytsha ornalastyrý pýnktine jetkizildi.